聖誕快樂

今日個聖誕過得比以往平淡
冇出去大事興祝
只係一班朋友喺自己屋企飲下嘢傾下計
同埋將旅行買既手信當聖誕禮物咁派俾佢哋
聖誕俾我一種好奇怪既落幕既感覺
雖然依種感覺喺今年淡咗啲
但隱約仲覺得ｄｏｗｎ...

今個聖誕其實都冇乜癮
因為放假仲要喺屋企ｓｔａｎｄｂｙ做公司嘢
星期六日又要返公司做嘢
想死
要快啲轉工
唔想再過依啲冇哂私人時間既生活...

今日同姪女大家去咗新開既 一號湖畔 影相
其實都冇乜特別既一個地方
又係得名牌...
不過見到姪女玩得開心就ｏｋ

札幌之旅既相終於執完
今次冇乜心情影相
可能因為太凍，太趕，同埋太攰既關係啦
聽日再ｕｐｌｏａｄ俾大家睇～

往事...真係只能回味...

今日聽細蘇既好回家
聽到依首歌
突然回憶起喺米國既生活同感覺...
事實上
每日返工泊低架車
之後喺停車場行返上地面果幾級樓梯
我都會幻想自己仲喺米國
自我催眠
希望可以開心啲...

Macy Gray - I Try



Macy Gray - Sweet Sweet Baby (當時好鐘意聽依首歌～)

Ｐｒｏｊｅｃｔ

發現自己既 "Ｐｒｏｊｅｃｔ" 又開始出現...
又開頭想攪個網頁
到攪咗個ｆｏｒｕｍ
再到算係成功咁攪咗個ｏｎｌｉｎｅ ｒａｄｉｏ
而家又想再嚟
集合各樣既嘢
攪單大嘢出嚟...
唉...
唔知幾時先會成功呢...
有冇人又咁既閒情逸緻嚟陪我癲呀？

有既話不妨話過我知～～

原來過得很快樂

今日
因為太攰＆太懶
所以錯過咗同姪女既香港之行
唯有等下次再同佢去香港玩啦～
而日本之旅亦都總算ｃｏｎｆｉｒｍｅｄ
今次既目的地係北海道既札幌＆小樽
期待中～
所以諗到依首歌～

再見二丁目
（點解冇純ＭＶ版架...）

堅守... 就會有夢？！

要開始為來年計劃啦！
所以諗起依首歌...

同天空

作曲：鄭頌恩
填詞：周柏豪
編曲：Tape In Analog
監製：陳光榮

我試過懶理別人從旁　放任隨處蕩
也試過漆黑中找哲理　儘管不夠光

快快告訴我哪裡已種了禁果　我要去哪裡　哪裡至會有曙光
過去已過去　過去已印證出答案

我要擴闊我天空　暢遊星空　只要堅守便有夢
你與我同分鐘　同天空　身份相同　你我同樣身份比天高
你我做到　世界大同

你我也是呼吸到氧氣　也是同氣味
你我有著精彩的結尾　不需跟我比
你有你武器　我也有兩臀脹起　我也會洩氣　也試過寂寞到死
我倆要勇氣　勇氣會化作新哲理

我要擴闊我天空　暢遊星空　只要堅守便有夢
你與我同分鐘　同天空　身份相同　你我同樣身份比天高
我會越過這天空　旅途之中　擁有雙手便有用
哪裡向南西東　誰不懂　怎麼相容　你我同樣穿梭空氣中
也會撞到　不必畏高

我要擴闊我天空　暢遊星空　只要堅守便有夢
你與我同分鐘　同天空　身份相同　你我同樣身份比天高
我會越過這天空　旅途之中　擁有雙手便有用
哪裡向南西東　誰不懂　怎麼相容　你我同樣穿梭空氣中
也會撞到　你盼做到　至會做到

Ｂｌｏｇ Ｂａｎｎｅｒ

再一次多謝攣毛仔既御用設計師Ｋｉｍ
為個ｂｌｏｇ設計咗個咁有ｆｅｅｌ既ｂａｎｎｅｒ

火燒＝＞旺地？！

尋日下晝四點幾
個同事好疑惑咁走入嚟ｏｆｆｉｃｅ話火燭
自己同其他同事都好疑惑咁
慢慢執嘢
慢慢ｓａｖｅ返啲ｆｉｌｅ
慢慢閂機
我做依三個動作都應該用咗十分鐘

五十五樓要疏散都唔係一件易事
我哋行咗十層樓
腳仔已經開始震緊（冇做開運動既後遺症...）
跟住有另一個已逃出既同事打嚟話火場離我哋果度偏遠
可以搭ｌｉｆｔ
咁我哋一行十幾個人就即刻仆去搭ｌｉｆｔ走啦

最後總算係有驚無險
喺公園集合兼罰企咗個幾鐘之後
就要慢慢行返ｏｆｆｉｃｅ繼續做嘢...（當時已經係六點半...）

今次既事件
令我意識到
五十五樓雖然ｖｉｅｗ正
但要逃難既話
向上走又唔係（上多兩層就係天台）
向下走又唔係（五十幾層搭ｌｉｆｅ又驚停電，行樓梯既話未落到地下已經斷氣...）
仲有
原來公司既後樓梯係收唔到電話訊號既...

希望我仲喺果度做既一日都唔好再搵啲咁既嘢玩...

最後送上兩張人哋拍到既相俾大家睇

生活

自從入咗依行之後
就開始喺度諗：究竟我既前路應該點行
但係諗咗兩年幾都諗唔出一個答案
再者
入咗而家依間公司之後
好似連自己既生活都冇埋
放工返嚟仲會諗下公司嘢，諗下聽日仲有咩要做，諗下嚟緊有啲咩要交，諗下我仲要捱幾耐先有得升ｅｔｃ...
諗下諗下
發覺我已經再唔係以前既我
攣毛仔從來都唔愛追名逐利
返工放工有人工收就得
唔會諗下點樣去表現俾其他人睇自己有幾叻有幾掂
亦唔諗點樣去ｂｌｏｃｋ人哋既路而為自己鋪路
但係
以上既種種
攣毛仔已經不知不覺咁進行緊
好攰...
從來好鐘意聽下歌睇下舞台劇寫下嘢
而家反而一路向後推呀推
好似好難得先有時間去做依啲嘢

係唔係每個人大咗都會咁既呢？
抑或係自己既欲望已經無聲無色咁擴大？

好討厭依種喺工作中爭扎求存既生活
自問自己做任何事都盡１２０巴仙既力
但係點解仲會介意人哋點樣睇自己？
係唔係人哋覺得你唔掂就真係你唔掂？
究竟點樣既一條路先適合自己呢？

２００９年仲有唔夠一個月就完結
依一年
需要一個好好既檢討
來年
亦要一個好好既計劃

後記：
發現依首歌同我既心聲有啲相似

天．地

原來，凡人同神仙真係溝通唔到架... 短短既一個午饍，已經令作為凡夫俗子既我覺得無聊，冇癮，浪費時間... 我幾時先可以搵返自己個世界呢...？

遊牧．攣毛仔

又搬屋啦！我意思係，我個ｂｌｏｇ又搬啦...
今次應該係攣毛仔用既第三個ｂｌｏｇ，試下個效果好唔好先，同埋希望重拾寫嘢既習慣... 因為而家既工作改變咗我既生活習慣，令我既生活變得好枯燥... 有時間就嚟睇啦～～